ПАЎНОЧНЫ ЧАС

Я выйду сёння на дарогу,
Паўночны час iдзе за мной,
I памалюся цiха Богу,
Каб дапамог знайсцi спакой.

А я, бадзяга i пустэльнiк,
Iду сцяжынкаю сваёй,
I ўзiмку йду, i ў капельнiк -
Шукаю дзесьцi свой спакой.

Ён знiк,
        ён збег, 
                ён правалiўся,
Мне цяжка йсцi ў гэтым сне.
Каб я знайшоў, то б пахвалiўся,
Што Шчасце зноў ёсць у мяне.

Я выйду заўтра на дарогу,
Паўночны час iдзе за мной,
I памалюся цiха Богу,
Што дапамог знайсцi спакой.