[1932 – 1994 вояс]
Чужис 1932 воын моз тӧлыся 6-ӧд лунӧ Александровск-Грушевский карын (ӧнiя кадӧ — Шахты кар). Быдмис Харьков карын. Сэсся олiс Москваын. Гижис рифматӧм кывбуръяс, сiдз шусяна верлибръяс. Вуджӧдiс роч кыв вылӧ Европаса ХХ нэмся поэзиясӧ, торйӧн нин Польша да Югославия поэтлӧн. Кулӧма 1994 воын моз тӧлыся 26 лунӧ Македонияын, Струга карын, Стругаса поэзиялӧн рытъяс дырйи.
Авторыслӧн кывбуръяс:
• «Разве можно сказать цветку...»
• Деадаптация
Владимир Бурич. «Тексты (Стихи. Удетероны. Проза)». М.: Советский писатель, 1989.
• «Проходят годы...»
• «Жизнь — это свободное...»
• Tеорема тоски
• «Земля сама себя лечит...»
• «Не стыдись посмотреть туда...»
• «Лицо девочки луг...»
Ӧтуввезйысь.
Комиӧдiс - Владимир Цивунин
----------------------------------------------
* * *
Позьӧ ӧмӧй шуны дзоридзлы мый сiйӧ абу мича?
МӦД ВЕЛАЛӦМ
Ме ог нин босьт юрвежӧ кодзувъяслӧн нимъяс
Тайӧ меным оз нин кут шогмыны
Ме ог нин босьт юрвежӧ кодзувъяслӧн нимъяс
Тайӧ меным оз нин кут шогмыны
Ме ог нин босьт юрвежӧ каръяслӧн нимъяс
изэрдъяслӧн нимъяс
Тайӧ
меным
оз нин кут шогмыны
Ме зiля дум вылын кутны тэнад чужӧмыд
нянь вылӧ вузалан дон
да аслам патераысь номер
* * *
Мунӧны вояс
и томмӧны
чужӧмъяс
фотосерпасъяс вылын
* * *
Олӧм — тайӧ кулӧм дорысь личалӧм кад
ШОГАЛӦМЛӦН ТЕОРЕМА
Гырддзалӧн пельӧс пытшкӧ
гижтӧма юрлӧн гӧгӧртас
Нинӧм
оз ков
докажитны
* * *
Му
ачыс асьсӧ бурдӧдӧ
турунӧн
пуктӧ лапкор
туйяслӧн
бурдлытӧм
дойяс вылӧ
* * *
Эн яндысь видзӧдлыны сэтчӧ кытчӧ видзӧдӧ йӧз чукӧр
Тайӧ вермас лоны выль машина но вермас лоны и морт
* * *
Нывкалӧн чужӧм — дзоридза видз
нывлӧн чужӧм — розъялан сад
нывбабалӧн чужӧм — горт
тӧждысьӧмӧн тыра горт
----------------------------------------------------
«Позьӧ ӧмӧй шуны дзоридзлы...»
Мӧд велалӧм
«Мунӧны вояс ...»
«Олӧм — тайӧ...»
Шогалӧмлӧн теорема
«Му ачыс асьсӧ...»
«Эн яндысь видзӧдлыны сэтчӧ...»
«Нывкалӧн чужӧм — дзоридза видз...»