Интересное О Людях
Зулькарнаева Шаулия Алкинская. Зөлҡәрнәева Шәүлиә Ниғмәт ҡыҙы (Об авторе и стихи)

Самиздат: [Регистрация] [Найти] [Рейтинги] [Обсуждения] [Новинки] [Обзоры] [Помощь|Техвопросы]
Ссылки:
Школа кожевенного мастерства: сумки, ремни своими руками Типография Новый формат: Издать свою книгу
  • Аннотация:
    Шаулия ЗӨЛҠӘРНӘЕВА 1946 йылдың 17 майында Учалы районының Ахун ауылында тыуа. Стәрлетамаҡ дәүләт педагогия институтын тамамлап, хеҙмәт юлын тыуған ауылында башлай. Артабан Күмертау ҡалаһына күсә. Юрий Гагарин исемендәге мәктәп-интернатта, педагогия училищеһында уҡыта. 1993 йылда, иренең вафатынан һуң, тыуған яҡтарына әйләнеп ҡайта һәм тормошон журналистика менән бәйләй. Яҙыусылар союзы ағзаһы, Рәмзилә Хисаметдинова исемендәге премия лауреаты.
  
  Шаулия ЗӨЛҠӘРНӘЕВА 1946 йылдың 17 майында Учалы районының Ахун ауылында тыуа. Стәрлетамаҡ дәүләт педагогия институтын тамамлап, хеҙмәт юлын тыуған ауылында башлай. Артабан Күмертау ҡалаһына күсә. Юрий Гагарин исемендәге мәктәп-интернатта, педагогия училищеһында уҡыта. 1993 йылда, иренең вафатынан һуң, тыуған яҡтарына әйләнеп ҡайта һәм тормошон журналистика менән бәйләй. Яҙыусылар союзы ағзаһы, Рәмзилә Хисаметдинова исемендәге премия лауреаты.
  
  Көртмәле үҫкән яғым
  Инде көҙгә тарта, емештәр ҙә
  Бөткән инде хәҙер урманда.
  Үлән йырып киләм, кәрешкәләр
  Аяғыма килеп урала.
  Ҡайнылыҡтан сыҡтым, ҡарағайҙар
  Батшалығы баҫты алдыма.
  Ниндәй рәхәт: ылыҫ, сайыр еҫе -
  Күкрәк киреп тындар ал ғына.
  Баҙырап та торған көртмәлеләр
  Хәтфә мүккә ятҡан төрөнөп.
  Кәрәҙләнеп бешкән еләктәргә
  Ҡарап торҙом әле һөйөнөп.
  Һағынып ҡайтам йөрәк баҫыр өсөн
  Көртмәлеләр үҫкән еремә.
  Ҡыш буйына эшләп арман булам,
  Тыуған яғым, һиндә тереләм.
  
  
  Элекке бесәнлегебеҙ
  Тағы ла шул ерҙәргә килдем,
  Бесәнлекте һағынып.
  Сәй ҡайнатҡан ерҙәремде,
  Сейәлекте таныным.
  Әммә донъя үҙгәргәндәй
  Бында ла шундай хәлдәр:
  Үһәк кипкән, ағас һирәк -
  Был күренеш бик тә йәл дә...
  Ҡарт ҡайыным ғына таный,
  Шишмә күҙе мөлдөрәй.
  Ә күрәнле тумарлыҡты
  Йылҡы йөрөп бөлдөргән.
  Бала сағым һәм хәҙергем -
  Эҙҙәрем ҡауышҡаны.
  Етмәй бары атайҙың һәм
  Әсәйҙең тауыштары.
  
  
  Атай нәҙере
  Литвалағы 850 йәшлек Шауляй ҡалаһына фашист илбаҫарҙарынан азат ителеүгә 40 йыл тантанаһына Почетлы ҡунаҡ булып саҡырылыуға ҡарата.
  
  Ете диңгеҙ, ете урман үтеп,
  Был ерҙәргә килеп төшөлдө.
  Балтик еле сәстәремде һыйпай.
  Ҡупшы ҡала. Өнөм-төшөммө?
  Һаумы, Шауляй*, хыялланған ҡалам,
  Мәртәбәле, олпат икәнһең.
  Гүзәллек тә шуға өҫтәлгәнгә
  Атайымды әҫир иткәнһең.
  Һаман да бар икән күл ярында
  Атай әйткән йыуан тирәктәр.
  Ҡанлы атакала улар булған
  Ышыҡланыр урын, терәк тә.
  Аңға һеңгән атай хәтирәһе -
  Таныш кеүек күҙгә ней күрмә:
  "... ҡала бөттө харабаға ҡалып,
  Бары ҡалды костёл һәм төрмә.
  Тәрбиә һәм яза эшен бергә
  Тот, тигәндәй, бәндә, хәтерҙә..."
  Алтынсы ҡат фашист ҡулдарынан
  Тартып алған саҡта ҡаланы,
  Ауған атай дошман пуляһынан -
  Үлемесле булған яраһы.
  Йәшәү менән үлем тартышҡанда,
  Һуштарына килгән миҙгелдә,
  Дүрт малайлы атам нәҙер әйткән;
  Иҫән ҡайтһам, Урал - Иҙелгә,
  Ҡыҙым тыуһа, йәдкәр итеп, Шауляй,
  Исемеңде ҡушам үҙенә.
  Ете диңгеҙ яҡтан ҡырыҡ биштә
  Ҡайтҡан атам - Ватан яҡлаған.
  Бер шаңдауы булып шул һуғыштың
  Мин түгелме бөгөн атлаған,
  Кук есеме мәғәнәһен тотоп,
  Халҡым, илем, тейеп, ялтлаған?
  Ер йөҙөндә, Шауляй, һин бер ҡала,
  Мин дә берәү. Байтаҡ йәштәмен.
  Нәҙер көсөн аҡлап донъяларҙа
  Мин Шәүлия булып йәшәйем.
  Ғәжәп исем менән йәшәйем.
  
  *Шауляй - ҡояш (литваса)
  
  
  https://ye102.ru/articles/ya-yly-tar-ta-ma-y-netu/2024-06-15/talantly-...
Связаться с программистом сайта.

Новые книги авторов СИ, вышедшие из печати:
О.Болдырева "Крадуш. Чужие души" М.Николаев "Вторжение на Землю"

Как попасть в этoт список

Кожевенное мастерство | Сайт "Художники" | Доска об'явлений "Книги"