Аннотация: На белорусском языке. Слушать "Першы снег"
П Е Р Ш Ы С Н Е Г
Першы снег лёгкiм покрывам белым
Асцярожна зямлю ахiнуў
I таполю, што ранкам чарнела,
Раптам ўсю серабром апрануў.
Недарэчлiвы смутак знiкае,
Хрусткi снег, ён нiбыта вiно,
Сэрца бiцца хутчэй прымушае,
Як калiсьцi было, - цi даўно?
Цi даўно пракацiлiся санкi
З горкi стромкай ды прама ў сумёт,
Цi даўно прачынаўся я ранкам
I пытаўся, - калi Новы Год?
Ён прыходзiў з ялiнай духмянай
I запальваў лiхтарыкаў цуд,
А пад столлю зара палымяна
Незвычайна высвечвала кут.
Цi даўно гэта шчыра я верыў, -
Падарунак прынёс дзед Мароз,
ў iм цукеркi ў прыгожай паперы
I стальны завадны паравоз.
Колькi белых сняжынак растала
З тых далёкiх дзiвосных часiн...
Крочу я узмужнелы i сталы,
Ды чамусьцi сягоння адзiн.