Арсений Седугин
[1925 – 2006 вояс]

Чужис да быдмис Волга вылын, Иваново карын. Роч кывбуралысь, гижысь, серпасалысь, искусство туялысь. Айму вӧсна Ыджыд тыш вылӧ ветлысь. Лэдзис уна небӧг, на пӧвстын унджыкыс - челядьлы индӧмаӧсь.
Тайӧ ичӧтик вуджӧдӧмъяссӧ вӧчӧмаӧсь сылӧн "Яблӧга кань" кывбурса небӧгысь.



Авторыслӧн кывбуръяс:
    • «С тех пор как...» (с.120)
    • «Легко из тонких паутинок...» (с.70)
    • «Её щёки холодны...» (с.146)
    • «Из окна виден двор...» (с.65)
    • «Залижет раны зверь...» (с.25)
    • «Старый клён под моим окном...» (с.102)
        Арсений Седугин. «Яблочный кот». Миниатюры. М. : Сов. писатель, 1987 г.

Комиӧдiс (кыдз кужис) - Владимир Цивунин
-------------------------------------------------------------------



* * *

Та кадсяньыс,
Кор менам нылӧй
Кутiс ветлыны кокӧн,
Суим да гудыр менам жырйын
Оз дӧзмӧд менӧ.

"С тех пор как..."  (Вуджӧдӧм: 20 йирым - 13 ӧшым 2019 во)

* * *

Кокниа
Вӧсньыдик черань везйысь
Кысьӧны ичӧтик мойдъяс
Сёр арын.

"Легко из тонких паутинок..."  (Вуджӧдӧм: 20 йирым 2019 во)

* * *

Сылӧн бандзибъяс
Кӧдзыдӧсь
Йир тӧв йылын.
А вом дорыс
Мыйлакӧ пӧсь.

"Её щёки холодны..."  (Вуджӧдӧм: 20 йирым 2019 во)

* * *

Ӧшинь пыр
Тыдалӧ йӧрсӧ.
Пельӧсын — важ пу куд.
Тувъялӧй сы пытшкас
Менам сьӧлӧмӧй
Да ыстӧй адрестӧг.
Ӧнi сiйӧ некодлы
                    оз ков.

"Из окна виден двор..."  (Вуджӧдӧм: 20 йирым 2019 во)

* * *

Кӧть дойсӧ нюлас звер,
Но вунӧдны оз вермы.

"Залижет раны зверь..."  (Вуджӧдӧм: 20 йирым 2019 во)

* * *

Менам ӧшинювса
Важ клён
Тӧдӧ унджык
Став менам ёртъясӧй
Дорысь.

"Старый клён под моим окном..."  (Вуджӧдӧм: 19 йирым 2019 во)

---------------------------------------------------

«Та кадсяньыс, кор...»
«Кокниа вӧсньыдик черань везйысь...»
«Сылӧн бандзибъяс кӧдзыдӧсь...»
«Ӧшинь пыр тыдалӧ...»
«Кӧть дойсӧ нюлас звер...»
«Менам ӧшинювса важ клён...»